Ramzan Special

کچھ گناہ چھوڑنے ناممکن سے لگتے ہیں ہم تہیہ تو کرتے ہیں کہ اب توبہ کے بعد وہ گناہ دوبارہ نہیں کریں گے مگر شیطان وہی کام اتنا مزین کر کے دکھاتا ہے کہ ہمارا نفس ہمیں اس دلدل میں دوبارہ دھنس جانے پر آمادہ کرتا ہے، پھر وہی روٹین وہی گھن چکر مگر ہم کوئی چیز مس کر رہے ہوتے ہیں وہ کیا ہے کبھی سوچا آپ نے آخر کیا چیز گناہوں کو چھوڑنے میں رکاوٹ بنتی ہے ہم سیدھے رستے پر چلنا چاہتے ہیں مگر زیادہ دیر استقامت نہیں رکھ سکتے، دراصل اس کی وجہ ہے اپنے رب سے کمزور رشتہ، نمازوں میں سستی، قرآن سے دوری، ایمان کی کمزوری وغیرہ پھر جوں جوں ہم اپنی عبادات میں نوافل میں سدھار لاتے چلے جاتے ہیں ہمارا دل خود بخود ہی ایمان کی حالت سے بھرنے لگتا ہے، اور پھر ہمیں سکون ملتا ہے تو صرف اپنے رب کے ساتھ اس کے کلام کو سنتے وقت، نماز میں اس سے باتیں کرتے وقت، پھر جب دعا کے لیے ہاتھ اٹھتے ہیں نا تو آنکھیں آنسووں سے بھر جاتی ہیں اور دل سے فقط ایک ہی دعا نکلتی ہے کہ یا رب ہمیں اپنے دیدار سے محروم مت کرنا. آمین یا رب العالیمن